@المدير المدير
مساهماتي : 544 نقاط : 1189 ۩ مهنـــــــــــتي ۩ : ۩ هواياتــــــــــي ۩ :
| موضوع: الخلطة السحرية لكل أنواع الاسماك الخميس أكتوبر 08 2015, 01:30 | |
| الخلطة السحرية لكل أنواع الاسماك خلطة لذيذة وسهلة و نتائجها هايلة و مضمونة و تناسب جميع انواع السمك و مافيهاش لبن العصفور و لا عرف ديك يتيم مات محروق اغسلو ايديكم وتعالو ورايا على المطبخ عشان نظبتها مع بعض المكونات :- 1 حزمه سبانج طازجة 1\4 ك جمبرى طازج مقشر 1\4 ك قلب بقرى منزوع الدهن 1 كوب اعلاف او قشور مستوردة او بيلتس فيتامين سينترم ( مجموعة فيتامينات و املاح ومعادن بشرية امريكية الصنع نتائجها ممتازة ) الطريقة :- قطع اوراق السبانخ بعد غسلها جيدا بالماء و نقطع القلب و نقوم بوضعهم جميعا فى برطمان زجاج و غلقة جيدا و تركة لمدة عشر دقائق على النار فى وعاء به ماء يغلى بعد تمام النضج نقوم بتصفية المحتويات و فرمها و اضافة قشور الاسماك الجافة او الاعلاف لتماسك الخلطة نقوم بتقليبها عدة مرات التعبئه :- نقوم بفردها داخل اكياس نظيفة و نحفظها بالفريزر ( زى قمر الدين بتاع رمضان ) و عند الحاجة نقوم بكسر ما نحتاجة منها طريقة استخدامها:- بعد خروجها من الفريزر وتركها لتدفىء نقوم بطحن نصف حبة من الفيتامين المذكور و ربع او نصف معلقة بقسماط مطحون للوجبة الواحدة (الكمييه مثلا لأربع سمكات حجم 15 سمم) لتماسكها و نعجنها جيدا ونقدمها للأسماك مميزتها :- 1- هذه الخلطة تحتوى على كل الفيتامينات و المعادن والاملاح الضرورية للمحافظه على الوان اسماكك بل و زيادتها جمالا وتقويتها 2- تحتوى على نسب البروتين اللازمة لنمو الاسماك بصورة طبيعية وصحية 3- هتعجب قوى الناس الى ناوية تفرخ او تسمن السمك بتاعها 4- جميع مكونتها متوفرة و فى متناول الجميع و بالنسبة للملتى فايتمن ( السينترم ) موجود لدى صيدلية العزبى و سيف و سعره 30 جنية و يحتوى على 30 حباية 5- فوائد السبانخ كلنا عارفينها مغذية جدا والسمك بيحبها ومليانة اللياف 6- بالنسبة للجمبرى مهم جدا جدا للشهية و الالوان يا جماعة الالوان مهمة ده سمك زينة يعنى لازم يبقى شكلة حلو 7- القلب البقرى بقى مليان بروتين عشان النمو و به نسبة كويسة جدا من فيتامين ب 8- الفيتامينات الى اسمها سينترم دى بقى سر الخلط لية عشان الالوان و المناعة ضد الامراض الخلطة يا جماعه انا الى عاملها مش واخدها من حد او منتدى اجنبى و مجربها بقالها أكتر من 7 شهور بأكل بيها و نتائجها ممتازة و خصوصا مع اسماك السيكلد تمت تجربتها على :- الاوسكار - البينو اوسكار - باروت - باكو - بليكو ستوماس - انجل - بنجاسيوس - كلاريوس - بلاك جوست نايف - جورامى - تايجر - البينو تايجر - زبرا - الجا ايتر - سورد تيل - بالون مولى - جولدن مولى - جوبى - بلاك وايدو - بيرل سكيل - فانتيل - كوى - سيلفر شارك - ريد تيل شارك - البينو رد تيل شارك نصائح عند صنع الخلطة و تقديمها :- افضل طريقة لتقديمها للأسماك الكبيرة مثل الاوسكار هى عجنها الى كرات صغيرة مثل حبات السبحة و لتقديمها للأسماك الصغيرة و الاسماك التى تسكن القاع هى عجنها على هيئة قرص بحجم العملة وسماكتها ليأكل منها السمك و ازالة المتبقى ملحوظة أخيرة :- - لتقديمها للأسماك اللاحمة استخدم المقادير السابقة - لتقديمها للأسماك النباتية نقلل كمية القلب الى 1\8 ك بدلا من 1\4 و الجمبرى كذلك و نزيد من السبانخ - لتقديمها لأسماك الجولد و الكوى نقلل كمية القلب الى 1\8 ك بدلا من 1\4 و الجمبرى كذلك مع زيادة كمية العلف او البيلتس الى الضعف نسب الفيتامينات التى تحتوى عليها الخلطة من باب المعرفة:- Vitamin A 3500 IU Vitamin C 60 mg Vitamin D 400 IU Vitamin E 30 IU Vitamin K 25 mcg Thiamin 1.5 mg Riboflavin 1.7 mg Niacin 20 mg Vitamin B6 2 mg Folic Acid 400 mcg Vitamin B12 6 mcg Biotin 30 mcg Pantothenic Acid 10 mg Calcium 200 mg Iron 18 mg Phosphorus 20 mg Iodine 150 mcg Magnesium 50 mg Zinc 11 mg Selenium 55 mcg Copper 0.5 mg Manganese 2.3 mg Chromium 35 mcg Molybdenum 45 mcg Chloride 72 mg Potassium 80 mg Boron 75 mcg Nickel 5 mcg Silicon 2 mg Tin 10 mcg Vanadium 10 mcg |
|