سمكة الملايين !! اكثر سمكة محبوبة !!

السلام عليكم

انا حبيت اشاركم بالمنتدى ببعض المواضيع
وهاد راح يكون اول مشاركة متواضعة الي معاكم
الجوبي!

سمكة الملايين !!

اكثر سمكة محبوبة !!

طبعا سمكة الجوبي من اجمل السمكات !
وتتميز بالوانها الجميلة !! المتعددة والمختلفة

وطبعا هناك معلومة بس حاب احكيها انه في نوعين من الجوبي !!
نوع الجوبي العادي وهو غير جميل وغير ملون حتى وماحدا بطلع عليه
ونوع الجوبي fancy !! الي هو المتعارف عليه !!
ولهاد النوع مسميات عديدة بتختلف حسب اللون وطبيعة الشكل وشكل الزعنفة والذيل !!

الجنس
بعتقد المعظم بعرف انه الجوبي الذكر بتميز بصغر حجمه عن الانثى وجمال شكله وكبر ذيله وكثرة لونه

بتلاحظ فيها انه مافي الوان على الجسم ! الذيل صغير ودائري الشكل ! البطن كبير وعند قياس جوبي انثى مع اخرى ذكر ( بنفس العمر ) راح تلاقي انه الانثى اطول واضخم !!
ذيل كبير وملون وجسم انسيابي وحجم اصغر !

التكاثر !!

نيجي هلا للمواضيع الحساسة !!
وهي اولا خذها قاعدة مثل ما الانسان بحب ! الجوبي كمان بحب ! يعني اذا لاحظت انه الجوبي الانثى بتهاجم الجوبي الذكر الي بحاول يتزاوج معها ! فيكون بعلمك انه احتمالية التزاوج ضعيفة جدا جدا !!

المعادلة !!!
لكل 1 ذكر 2 او 3 او 4 اناثى !! عشان يكون في تزاوج !

مدة حمل الجوبي من 3 الى 4 اسابيع وقد تزيد قليلا !! وهاد بيعني انه الوضع الصحي والبيئة المحيطة غير سليم !!!

عدد المواليد من 6 لغاية 100 !!! واحيانا في حالات نادرة قد يصل الى 300 !!!
كل ما قل العدد بدل على انه وضع البيئة المحيظة اسوء او انه الذكر ضعيف او انه الوضع الصحي للسمكة نفسها سيء !!
في عملية التزاوج الواحد قد يصل عدد الفراخ ( المواليد ) الي 100 !!!
طيب كيف ممكن يوصل ل 300 ؟؟؟
الجوبي من الاسماك الي بتحتفظ في الحيوانات المنوية للذكور والبويضات المخصبة حتى اثناء فترة الحمل !!! يعني ممكن تولد السمكة في اسبوع ! والاسبوع الي بعده ممكن تولد كمان مرة !! وهاد بكون بسبب عملية تزاوج مختلفة من اكثر من ذكر !! في فترات متقاربة !! ( حل هاد الموضوع انك تجيب انثى بالغة جديد وتعزلها في حاضنة مع ذكر واحد لمدة اسبوعين او اكثر ) وبالتالي بتقدر تحدد ابوة الفراخ لمين !

ملاحظة : اذا صارت عملية الولادة لاكثر من مرة في فترات متقاربة فتوقع ان تموت الام ! من الارهاق والصة المتدهورة !

واحيانا قد تكون فترة الحمل طويلة جدا مما قد يسبب موت الام ! وهنا قد تحتاج الام الى مساعدة صغيرة!
في هاي الصورة بتساعدك انك تميز الام الحامل ! طبعا الفراخ بتكون مبينة !

اذا حدث وانه اتاخرت عملية الولادة او ماتت الام والفراخ بداخلها فبامكانك تقوم بعملية تدليك خفيف وبحذر لبطن الام( باليدين ) وراح تتفاجا اذا كنت محظوظ بخروج الفراخ !! ( نفس العملية الي بتعملها لما تكون السمكة ماكلة كتيييييييير ومنتفخة ! وبتقوم باخراج الطعام منها !! )

الجوبي والاسماك الولودة بشكل عام بتاكل صغارها لانها بتكون جعانة بعد العملية المرهقة !!!
ولحل هالمشكلة ينصح باستخدام الحاضنة ذات الطبقتين ! بحيث توضع الام في الطبقة العلوية ! ولما تقوم بالولادة ( الفراخ بطبيعتها راح تنزل لقاع الحوض ) وبكون في الحاضنة فتحة صغيرة بتدخل منها الفراخ لقاع الحاضنة !! ( الطبقة الثانية ) وبالتالي الام ما بتقدر توصل للصغار بسبب صغر الفتحة وهيك بتكون حافظت على الفراخ !!!

العناية بالفراخ كثيير صعبة !!
البيئة المحيطة لازم تكون الحرارة مناسبة !
والغذاء لازم يكون مطحون ومليء بالبروتين !!
السمك الي ممكن يفترس الفراخ !!
بس الطبيعة بتقول ( البقاء للاقوى )

بجوز يتعبة الحوض عندك فراخ ! وهيك راح يصيرو يموتو بسبب الزحام والضغط! الحل سهل ! احمل حالك ولم الفراخ وبيعهم لمحلات السمك او وزعهم على الحبايب ! وصدقني راح تتفاجا بانها راح تصير عادة عند الاصدقاء وراح يحبو السمك لما ببلش اللون يطلع عليه !!
بس دائما خلي معك افضل الذكور والاناث واتخلص من جزء من الذكور الكبار القديمات مع الي بدك اتبيعهم !!

ادخل لاول مرة وبعد تسجيلي بالمنتدى بمدة طويلة..

لكنه استهواني وعدت للزيارة..مواضيع رائعة...روائع في كل الميادين..وليس الادب وحده.

» الكوبي2 ( سمكة الملايين )
» من اكثر برامج الفيديو شعبية gom player
» منحوتات اثرية خشبية عمرها اكثر من 500 سنة
» نبذة عن سمكة البلاتي platy
» Platy Fish - سمكة بلاتي